Educación Infantil Outes: Biblioteca virtual

ORGANIZACIÓN DO BLOGUE

Usaremos a páxina principal para anunciarvos cousas puntuais como avisos de eventos con data fixa. Para información referida á situación do peche debedes acudir á páxina web do centro.

A parte da columna da dereita dedicarémola a organizar propostas de traballo e recursos que poden ser de utilidade para estos días. Máis abaixo atoparedes tamén os enlaces aos blogues das distintas especialidades.

Para calquera consulta podedes poñervos en contacto coa titora do voso grupo:

3anosoutes@gmail.com

4anosaoutes@gmail.com

4anosboutes@gmail.com

5anosaoutes@gmail.com

5anosboutes@gmail.com

A nosa pretensión con este blogue non é que o alumnado faga xornadas de cinco horas diarias como na escola. Nada do que propoñamos podería substituir as interaccións que se alí se producen entre iguais que son as bases das aprendizaxes. A idea é que poidades incluír algunhas delas cada día sen presión, sen necesidade de facelas todas, adaptándoas aos ritmos e preferencias de cada neno e nena, priorizando sempre o xogo libre.

Moitas de vós contádesnos que ledes todos os días cos vosos fillas e fillas e, aínda que sabemos que non hai nada como compartir un bo libro, poder pasar as súas follas... temos que buscar alternativas para estos días porque os recursos que temos nas casa son limitados.

Nos seguintes enlaces podedes atopar algunhas bibliotecas virtuais ou enlaces onde directamente podedes escoitar a lectura dun conto.