Lecto-escritura

PROPOSTAS

• Ecribir unha lista da compra (cada quen desde a etapa na que se atope, nunca copiando). 
• Recoller nun diario unha idea que resuma que foi o mellor de cada día para cada persoa da familia.
• Tomando como referencia o conto lido o día anterior imos imaxinar que pasaria se desaparecera unha das personaxes. Poderías inventar un final distinto? Ocúrrensete outro titulos posibles?
• Xogamos a buscar palabras que comecen pola inicial de: do nome de mamá, da comida de hoxe, do día de hoxe....
• Recoller algunhas revistas e xornais e buscar onde hai letras maiúsculas en distintas tipografías, recortalas para facer un banco de letras móbiles coas que podemos: montar os nomes da familia, das personaxes de conto, da froita da merenda....
• Escoller unha foto do álbum familiar, dunha revista ou xornal e buscarlle un títular.
• Escoller varias fotos de familiares e escribir en maiúsculas nunhas tarxetas os seus nomes (as persoas adultas). Intentar asociar fotografía coa tarxeta correspondente.
• Buscade algúns animais dos que tedes pola casa e escollede a parte que máis vos guste de cada un deles. Agora debuxa un animal imaxianiro que recolla todas as partes escollidas antes: cabeza de león, pescozo de xirafa, colmillos de rato, cola de cocodrilo...Xa podedes poñerlle un nome como Xiracoco (xirafa+cocodrilo), pensa que come e onde podería vivir. Con todo isto xa te podes inventar unha pequena historia co teu animal de protagonista que podes gravar e mandarlla aos teus avós.