Educación Infantil Outes: Series e simetrías

ORGANIZACIÓN DO BLOGUE

Usaremos a páxina principal para anunciarvos cousas puntuais como avisos de eventos con data fixa. Para información referida á situación do peche debedes acudir á páxina web do centro.

A parte da columna da dereita dedicarémola a organizar propostas de traballo e recursos que poden ser de utilidade para estos días. Máis abaixo atoparedes tamén os enlaces aos blogues das distintas especialidades.

Para calquera consulta podedes poñervos en contacto coa titora do voso grupo:

3anosoutes@gmail.com

4anosaoutes@gmail.com

4anosboutes@gmail.com

5anosaoutes@gmail.com

5anosboutes@gmail.com

A nosa pretensión con este blogue non é que o alumnado faga xornadas de cinco horas diarias como na escola. Nada do que propoñamos podería substituir as interaccións que se alí se producen entre iguais que son as bases das aprendizaxes. A idea é que poidades incluír algunhas delas cada día sen presión, sen necesidade de facelas todas, adaptándoas aos ritmos e preferencias de cada neno e nena, priorizando sempre o xogo libre.

jueves, 23 de abril de 2020

Series e simetrías

Traémosvos unha nova proposta. Teredes que buscar pola casa que material tedes dispoñible para facelo. Nós despois de rebuscar e rebuscar acabamos no caixóns dos cubertos.

Series

Crearemos co material que temos un patrón ou modelo que iremos repetindo. Teremos que fixarnos na orientación, tamaño, cor, cantidade....dos obxectos empregados.

Simetrías

No lugar de traballo escollido trazamos unha liña ou eixe. A un lado deste eixe construiremos unha figura que reproduciremos no outro lado de forma simétrica.